اعلیٰ افسران کے ناقص فیصلے اورمنصوبہ بندیاں
انشورنس کمپنیوں کی ناکامی کا سبب ہیں
سیکیورٹیز ایکسچینج کمیشن کے مشاہدے کے مطابق بہت سی انشورنس کمپنیوں کے علاقائی افسران کے پاس انشورنس آرڈیننس 2009ئ کے مطابق معاملات جاری رکھنے کی نہ تو قابلیت ہے اورنہ ہی کوئی تجربہ ہے۔ ایس ای سی پی کے جاری کردہ اعلامیہ کے مطابق انشورنس کمپنیاں بہتر اور محتاط طریقے سے نہیں چلائی جارہی ہیں اور یہی وجہ ہے کہ بہت سی انشورنس کمپنیاں اپنی بقائ کے لئے جدوجہد کررہی ہیں۔ ادارے کے مطابق پاکستان میں اسٹیٹ بینک نے بینکوں کیلئے گائیڈ لائنز سختی سے نافذ کر رکھی ہیں جب کہ بینکوں کے علاوہ دیگر مالیاتی اداروں پر بھی ایس ای سی پی نے یہ گائیڈ لائنز نافذ کی ہیں مگر انشورنس واحد شعبہ ہے جہاں یہ گائیڈ لائنز نافذ نہیں ہوئی ہیں۔ کمیشن کا کہنا ہے کہ اعلیٰ افسران کے ناقص فیصلے اورمنصوبہ بندیاں انشورنس کمپنیوں کی ناکامی میں اہم ترین کردارادا کرتی ہیں۔
No comments:
Post a Comment